刊物及媒體

同香港天使綜合症基金會一齊守護小天使嘅健康笑容

返回

一切從推己及人嘅念頭開始….

疫情之下，我哋眼見大部份嘅小天使無論「生理」及「心理」都退步左好多，確實非常心痛！

我知道大家一直都好想諗辦法解決及改善，HKASF亦不遺餘力，每一日都為大家嘅事掛在心頭，禱告及期盼！
猶記得幾個月前有一位天使媽媽嘅分享，話君君剛剛做左牙科手術，剝咗幾隻牙，又洗咗幾萬蚊，真係大人細路都牙痛咁聲！

其實我哋小天使牙齒護理嘅問題真係非常麻煩，相信個個都曾經或仍然為小天使刷牙嘅情況而頭痛，詠寧比一般小天使有過之而無不及，次次刷牙都好似打仗咁，細個更因蛀牙問題，做過兩次全身麻醉手術，最終20隻乳齒蛀咗17隻剝咗14隻，嗰種內疚，Joe同我到現在仍無法釋懷；為咗要好好保護詠寧嘅恆齒，真係咩方法都要試。

及至年初，我哋留意到一支電動牙刷有一個磁動微震嘅新技術，適逢詠寧剛剛滿11歲，我睇咗好多報告及市場上面嘅點砰及介紹，忍痛用左近三千蚊買支返黎試吓，希望可以改善每日同詠寧刷牙呢個苦差。無意中發現呢支牙刷真係幫到Chloe，我哋開心到不得了，好想話俾有同樣困難嘅天使家長知！此外，我哋膽粗粗毛遂自薦嘗試用唔同渠道及方法搵牙刷嗰間，睇吓有冇嘢可以合作。個project就由呢個推己及人嘅念頭開始….

另一方面，我哋不斷向天使家庭作分享，並廣邀大家參與試驗計劃，希望可以蒐集多啲數據，增加合作成數嘅機會，最後得到兩個天使家庭嘅信任、協助及參與，配合我哋呢個自編自導自演嘅試驗計劃；經過近一個多月，我哋發現呢支磁動技術嘅牙刷，真係幾幫到小天使，效果及口碑都好好。同一時間，我哋花左兩個幾月去做咗一個詳細嘅報告及計劃書，再加上鍥而不捨嘅多次投稿，終於得到一個機會，5月時有幸到訪做左一塲presentation。

其實，以一個病人自助組織毛遂自薦搵商業機構合作，係好大膽嘅一步，因為好易俾人覺得好commercial，懷疑我哋以幫人為名，收取利益為實。但事實上，我哋由做資料蒐集，撰寫計劃書，買牙刷及牙刷頭，全部自己出錢出力出時間，一蚊都冇落個袋。

我哋好希望藉住呢小小嘅一步，*令所有有牙齒護理問題嘅小天使家庭、罕見病以致其他特殊需要嘅家庭，可以有機會認識、接觸及嘗試一啲新技術及啱我哋嘅工具*，繼而再可以開「工作坊」，提供指導及教學。

除此之外，*亦希望社會大眾及更多商業機構，可以認識及關注我哋呢d病患及特殊需要家庭，呢個界別其實都有好大嘅市場價值！我哋想透過合作，令商界或機構能夠多d了解我哋嘅需要，協助我哋搵到合適嘅產品或提供指導，比起施捨或捐贈來得更加有意義，其實更可以係一個雙贏嘅機會！*

多謝大家抽時間睇我哋嘅分享；請多多支持呢個活動，同埋like & share!

Sunday Kiss 嘅專題報導:

對一般人來說，微笑似乎不是一件難事，但大家有沒有想過，原來並不是人人都有擁有健康笑容的權利？天使總給人笑容滿面的印象。但是，有一群「小天使」，臉上始終掛著微笑，卻面對著不為人知的個人護理難題。

讓小天使擁有健康笑容 做個快樂的 #笑容練習生 天使綜合症兒童雖然臉上長期掛著「笑容」，像個小天使一樣，但那卻是因腦部發展問題和疾病所引致，並不是發自內心的快樂笑容，而且充滿健康隱患。他們的爸爸媽媽每天都期盼著，終有一天，他們可以擁有和別人一樣的健康笑容。 有見及此，以致力為所有人創造健康微笑（Healthier Smile For All）為目標的Oral-B ，今次與香港天使綜合症基金會（Hong Kong Angelman Syndrome Foundation）攜手，舉辦 #SmileForAll #笑容練習生 活動，透過提供更舒適且高效潔淨的電動牙刷，支持這群 「笑容練習生」，也能擁有屬於自己的健康與自信。 「小天使」詠寧愛笑 爸媽：「女兒是祝福」 罕見病「天使綜合症」（Angelman Syndrome）源於DNA第十五條染色體出現基因突變，導致患者有嚴重的腦部發展障礙。發病率為15,000份之一，在香港每年約有3至5個確診病例*。罹患「天使綜合症」的小孩，有發育遲緩、語言障礙、口部寬闊及牙齒疏離等病徵。 現時11歲的詠寧，自幼患「天使綜合症」，不懂說話、不能自理。詠寧在半歲時被發現有嚴重發展遲緩，跟不上同齡小朋友的正常成長速度，但一直未能找出病因。爸爸Joson和媽媽Joe帶她四出求醫，後來終在一歲半時正式確診患上「天使綜合症」。

經常有人用奇異的目光看待詠寧，更指她是Joson和Joe的包袱。面對旁人的冷眼及惡言相向，Joson他們卻從來沒有動搖，一直與詠寧積極面對病魔，傾盡所有心力愛護女兒。

抗拒刷牙 引致嚴重蛀牙＋牙齦流血 「小天使」因為口部肌肉對外界刺激特別敏感，容易抗拒他人觸碰，因此就算只是刷牙這個看似簡單的動作，都會對他們造成極大不適，Joson形容以往每次為詠寧刷牙就像「打仗」一樣，每每都會以大量流牙血收場。 加上患者通常牙罅較闊，護理不當更會導致蛀牙及牙齦流血等口腔問題。詠寧就曾因此需要於3歲及7歲時進行全身麻醉的大型口腔手術，口腔內20隻乳齒中有17隻都蛀壞了，最後更要剝走14隻。年紀小小的詠寧就要經歷如此折磨，Joson和Joe都覺得非常心痛。

轉用Oral-B iO磁動牙刷 女兒開始享受刷牙 爸爸Joson一直努力尋找辦法改善詠寧的牙齒問題，直至詠寧11歲可以嘗試用電動牙刷時，偶然體驗了Oral-B的iO磁動牙刷後，發現其寧靜度、舒適度、潔淨力都比一般電動牙刷或手動牙刷更好，大大改善了詠寧的口腔問題。以往需要花20分鐘時間，合二人之力按住掙扎的詠寧才可以勉強為她刷牙，但轉用Oral-B iO磁動牙刷之後，刷牙時間大大縮短至約2分鐘，Joson及Joe也終於可以鬆一口氣。 雖然Oral-B iO磁動牙刷並不是專門設計給有特殊需要的小朋友使用，卻完全改變了詠寧對刷牙的抗拒。詠寧逐漸不再抗拒刷牙，口腔健康有明顯改善，更開始享受刷牙的樂趣。看到女兒真正發自內心的笑容，作為父母的Joson及Joe都感動無比。

支持「小天使」建立健康笑容 創造 #SmileForAll Joson作為「香港天使綜合症基金會」的創辦人，深明小天使在生活上面對的困難。因此，與詠寧體驗過由Oral-B iO磁動牙刷帶來的改變後，Joson主動聯絡Oral-B。Oral-B 決定攜手香港天使綜合症基金會推出 #SmileForAll活動，希望藉此機會幫助到更多小天使改善口腔及牙齒問題。 即日起至2021年9月2日，在屈臣氏每買1支Oral-B電動牙刷或電動牙刷替換刷頭，Oral-B就會捐$20到香港天使綜合症基金會，用作累積換贈Oral-B iO牙刷（或刷頭）。為守護小天使的健康笑容，大家記得用行動支持，為 #笑容練習生 出一分力！

Oral-B #Smile For All 支持天使綜合症病患 日期：即日起至2021年9月2日 售賣點：各大屈臣氏門市/網店 立即去屈臣氏支持 #笑容練習生 詳情：現凡於屈臣氏每買1支Oral-B電動牙刷或電動牙刷替換刷頭，Oral-B將捐出$20用於累積換贈Oral-B iO牙刷（或刷頭）予香港天使綜合症基金會，支持小天使建立健康笑容。

Sunday Kiss | 12-08-2021

了解更多